pagbukang liwayway

in every dark moment

i don’t cry nor do i speak 

maybe that’s why it’s more painful for me

—————————————————————— 

mabuti akong tao

hindi ako madamot

hindi ako masama sa kapwa

makasalanan man ako

wala akong sinasagasaan

wala akong inaapakan

makasakit man ako ng damdamin ng iba

nagawa ko na ang lahat para maunang magdusa

hindi ako gumagamit at nagpapagamit

hindi ako nagpapanggap

mabuti nang ako ang masaktan

magsakripisyo

kaysa silang ibang tao

mahal ko man o hindi

sila ang unang iniisip ko at inaalala

mali man o hindi tunay sa mata ng iba 

martir na kung martir

may busilak akong puso

walang sawang nagmamahal

handa laging magsilbi

gumawa ng dapat at tama

kailanman hindi humiling ng anumang kapalit

maabuso man, ayos lang

umiyak man, ayos lang

hindi man maswerte sa buhay, ayos lang

masaklap man ang kapalaran ang danasin

husto na sa awa at payo at pangarap

wala paring pagbabago

umiiyak parin at nag-iisa

hindi man malungkot hindi rin naman masaya

hindi sa nagsisisi

ngunit ako’y tao lang na napapagod

tulad ng panahon na lumilipas

bawat segundo, minuto, oras at araw

ayoko pa man sumuko sa ngayon

hindi rin ibig sabihin hindi pa yon sumagi sa isip ko

makasarili ba akong maituturing para magpasya sa hinaharap

na walang kasiguraduuhan ang pag-asa at pagbabago at kasiyahan

mabuti ka man na tao

sabi nila pagsubok lang lahat ito

pero makatarungan ba na sa hangganan ng buhay ay dun lang din ang hangganan ng paghihirap at pagpatak ng mga luha

ibig sabihin ba laruan lang talaga ang tao at walang sariling kalayaan

maaaring tama… maaaring mali

pero isa lang ang alam kong sigurado

sa buhay na ito mabuti ang may pinanghahawakang paniniwala at pananampalataya

sapagkat yun lamang ang tanging bubuhay sa tao na may pag-asa at may mga pangarap na natutupad

at maaari kang maging masaya at kuntento

masaklap man ang mundo

at marami mang masamang tao dito

at hindi man mangyari lahat ng gustuhin mo

pagsubok, laro o utang man ang buhay mo

ito ay sadyang hiwaga na hindi dapat madaliin

dahil pagdating ng takdang panahon

lahat ng katanungan ay magkakaroon din ng kasagutan

tulad nang isang pananabik

sa pagdating ng bukang liwayway